ახაიდუუუ... ახაიდააა... დუნკანიი....

(c) ფილმში ”ნატვრის ხე” მოღიღინე ბიჭი

როდის მორჩება ეს მიტინგობანა...
ქუჩების გადაკეტვა...
ისევ ის ხალხი მეცოდება, ვისაც მართლა გულით უნდა რომ კარგად იყოს ყველაფერი. ყველაფერი და არა მარტო თვითონ და გარშემომყოფები...
აქციი ორგანიზატორებიდან არც ერთი არაა მასეთი.
უბრალო ხალხი ჯერ კიდევ ბევრია იქ, ვისაც ამის ჯერა :(

არადა ვისაც დანახვა უნდა, ნადმვილად დაინახავს, რეალურად რა ძალაა ის ”აქციონერები”.
რუსეთი წკიპზეა.
აქციის ორგანიზატორებს ნერვები აქვთ დაჭიმული, რომ არ შლიან და არაფერს უშლიან...
საკნების ქალაქად და ტუალეტად აქცევენ თბილისს.
არც ერთს!!!
არც ერთს!!!
არ აინტერესებს საქართველო...
ძნელია ამის მიხვედრა?
:(

პატარამაც იცის რომ ულტიმატუმებით არ უნდა ისაუბრო, როცა რამე გინდა.
უდონობაა სრული...
ქალაქი ნელა ნელა მხედრიონისეულ ქალაქს ემსაგვსება, რისი უფლებაც მე, რიგით მოქალაქეს, არავისთვის მიმიცია. :(

რეალური პროგრამა აქვს ოპოზიციას?
თუ ძველბიჭური გარჩევებით აპირებენ ქვეყნის მართვას.
ალბათ არც აპირებენ, მაგათი მისია, საქართველოს მირთმევაა რუსეთისთვის ლანგარზე.

არადა რამდენი კარგი ადამიანია, მართლა რომ სჯერა რომ უკეთესად იქნება და იმიტომ დადის აქციებზე....

მწყინს...

ალბათ მაინც დაშლიან. ჩემი აზრი ასეთია ყოველ შემთხვევაში...
ეხლა რამე რომ მოხდეს, რუსეთისთვის საბაბი იქნება და მოვა...
ნატის წვრთნების დროს კიდევ ვერ გაბედავს...
6-მდე თუ რუსეთმა ვერაფერი მოიმოქმედა, უფრო სწორედ, თუ ოპოზიციამ არ გააჩალიჩა რამე ძალიან მაგარი პროვოკაცია, მერე ცოტა ხანი, ვერ გაბედავს შემოსვლას.
დაველოდოთ 6 მაისს. :)

»»  read more

ღვთის წყალობა

მიკვირს ხოლმე და მიხარია, ასეთი ბედნიერი რომ ვარ.
ღვთის წყალობაა და მეტი არაფერი.
გარშემო ბევრი სიყვარული მყავს და მიხარია.
ბუჩა მიხარია, ჩემი ნაწილივით.
ნანუკა მიხარია სულით ხორცამდე.
ეკატო - მზესავით.
ჩემი და მიხარია და ვთვლი რომ ყველაზე მაგრად გამიმართლა რომ ასეთი მყავს.
ჩემი დიშვილები - უთბილესად მიხარია.
ჩემი სიძე - ჩემნაირია და მიხარია.
დედაჩემი - წყალივით მიხარია.
მამაჩემიც მიხარია - ოღონდ რასავით, ვერ ვხვდები.
მარსელი მიხარია - ბავშვობასავით...
ბაბუა მიხარია და მტკივა რომ აღარ არის, ყოველდღე მახსენდება გარჩეული მზესუმზირების გემო, ჩემთვის რომ არჩევდა და ჩვენთან რომ ამოქონდა ხოლმე სახლში სპეციალურად ჩემთვის.
ყველა მიხარია, ვისაც ვუყვარვარ.
ყველას თავის პატარა წვლილი შეაქვს რომ ბედნიერი ვიყო.
ყველა ღვთის წყალობაა.
მადლობა უფალს...

»»  read more

ქრისტე აღსდგა!!!

ქრისტე აღსდგა მკვდრეთით
სიკვდილითა სიკვდილისა დამთრგუნველი
და საფლავების შინათა ცხოვრების მიმნიჭებელი


ამ დღის მადლით იხარეთ მთელი ცხოვრება :)

ძალიან ბედნიერი ვარ.

უფრო ბედნიერი ვიქნებოდი ტაძარში რომ ვიყო ეხლა, მაგრამ არა უშავს, მომავალ წელს ვიქნები :)
ქრისტე აღსდგა !!!
ჭეშმარიტად!!!

»»  read more

წითელი პარასკევი

წითელი პარასკევი ყოველთვის ძალიან მძიმედ ვარ ხოლმე. წელს ყველაზე ნაკლებად დავდივარ ამ მარხვაში ტაძარში, მაგრამ მაინც მაქვს ის მძიმე შეგრძნება, რომელიც მერე სიხარულით გვირგვინდება აღდგომის ღამეს. ძალიან მიყვარს მარხვის ბოლო კვირა. ბევრი მსახურებებია. განიცდი თითქოს ყველაფერს რაც იმ დღეებში ხდებოდა, 12 გზის სახარება, გარდამოხსნა, დატირება. შაბათ დილით წირვა, დილით 4-ზე მივდივართ და 10-მდე ვართ ხოლმე ტაძარში, არანაირი დაღლა, პირიქით საოცარი შეგრძნებაა, შავი კრეტსაბმელი თეთრით რომ იცვლება და ხვდები რომ დღესასწაული მოდის, ნამდვილი დღესასწაული. ყველაზე დიდი დღესასწაული რაც კი არსებობს.

მანამდე კი ეს დღეა - ყველაზე მძიმე დღე, როცა ღმერთი კვდება :( ნებით კვდება :( ჯოჯოხეთში ჩადის ჩემთვის, შენთვის, ყველა სულიერის გულისთვის.... ვერ აღვწერ რასაც განვიცდი...

»»  read more

ფიქრები ხმამაღლა

ჯერ იმას გავიხსენებ, სააკაშვილი რომ ამბობდა 2007-ში ვადამდელი არჩევნებისთვის გაზაფხული ძალიან ცუდი პერიოდია, ნატოს სამიტია და ბევრი რაღაც არის მაგაზე დამოკიდებულიო. გავიტანეთ ჩვენი... აჰა ნატოც, ანგელაც, აგვისტოც და ბუფერული ზონებიც...
ომი რომ დაიწყებოდა ალბათ იცოდა მიშამ, ვინ გაისროლა პირველად იმ ღამეს უკვე დიდი მნიშვნელობა არა აქვს. მნიშვნელობა იმას აქვს, თითქმის ბოლომდე მისული ბიჭები, რატომ გააჩერეს. საიდან მოიტანა 24 საათი? ვის შეუწყო ხელი? დაახლოებით იმას გავს, სოხუმის დასაბრუნებლად მისული ბიჭები, უკან რომ გამოაბრუნა შევარდნაძემ. ამ ლოგიკით მიშა რუსეთუმე გამოდის.
რუსეთი ვახსენეთ და ძალიან მიკვირს რატომ ხვდებიან (ფულის)ჩემოდნიან რუსებს ჩვენი მაღალჩინოსნები აეროპორტში, თან საკმაოდ თბილად. 100%-იანი ვიცი, რაღაც ობიექტი მიყიდეს მთავრობამ ისევ.
ამაზე მახსენდება ფურთხის ღირსები რომ ვართ.
ეს 9 აპრილის აქცია ცირკია საერთოდ.
როგორც ყოველთვის ხალხი მეცოდება, ვინც უმუშევარია, ძირითადად ისინი არიან იქ მგონი. ვისაც იმედი აქვს რომ სამუშაო ადგილები გაჩნდება და ნაცნობები აღარ იქნება საჭირო სამსახურის დასაწყებად? რავიცი...
ბესელაი საერთოდამორფული ვიღაცაა, რატომ იფუჭებს ხალხი თავს ამ პოლიტიკისთვის? იყო მშვენიერი ადვოკატი, საკმაოდ ჭკვიანი ქალი. ეხლა ვინაა? მომკივანი ოპოზიციონერი....
ბურჯანაძეზე საბოლოოდ წარმოდგენა გუშინ დამეკარგა, როცა პატრული არ მოვიდა, პატრული არ მოვიდაო. მიხვდა ოპოზცია,მაგარი ჭამა ერთი დღე რომ შესვენება გამოცხადა, ხალხი თუ გაუშ[ი, ძ§ელად დაიბრუნებ უკან. ხოდა გამოაცხვეს ცხელ ცხელი პროვოკაცია, მენაგვეები გადაცმული კუდი და სოდი იყვნენო და გვირტყავდნენო. რად უნდა დაშლილ აქციას დარბევა?
მაისაშვილი საერთოდ უცნაური რომ იყო, კი ვამჩნევდი, მაგრამ ასეთი ”უცნარუიც” თუ იქნებოდა, ვერ წარმოვიდგენდი. რომელ უნივერსიტეტში ასწავლეს ქვეყნის მეთაურის გინება, გამოსაკვლევია....
გრეჩიხა, გულიანი ვაკელი ბიჭია. შინაგანად მაინც ”კაი ბიჭია”, სადღაც ქვეშეცნეულად იგრძნო რომ არ გამოუვიდა მაისაშვილს ეს გინება და სასწრაფოდ ჯიგრულად დაიწყო საუბარი... თუმცა არც მაგის საქმეა პოლიტიკოსობა, ბიზნესი უფრო ეხერხებოდა მგონი...
შალვა მაინცდამაინც არ ჩანს, თუმცა რაც გამოჩნდა და არც ნატო გვინდა არც ესენგეო, ფორუმ.,გე-ზე დაასვნეს პირდაპირ რუსეთში შევყავართ, ესე იგიო.
არ ვარ მიშას მომხრე, საღი აზრი მგონი მაქვს, მაგრამ მიშა აშკარად უფრო მაგარი იყო აქციების მოწყობაში. პრეზენტაციის ნიჭი და სკილები საკმაოდ აქვს და ამიტომ ყოველთვის მუხტი აქვს და დღესაც კი, გადასდებს ხოლმე ხალხს ამ მუხტს.
ხოდა იმ ხალხს, რომელსაც აქციის მოწყობა არ შეუძლია ნორმალურად, ქვეყნის მართვა როგორ ვანდოთ?
ხო, ალასანია დამვიწყებია... ვერ გავუგე მაგ კაცს. სულელი არ უნდა იყოს. ეტყობა შეპირდნენ პრეზიდენტობას და იმიტომ არის ოპოზიციაში.
ოპოზიცია რუსებისკენაა თუ მიშაა რუსებისკენ ცოტა გაურკვეველია:
”მტრის ხატის” შექმნა სახელმწიფოს ძალიან აწყობს, მით უმეტეს შექმანარ სჭირდება, პერიოდულად გააქტიურებს ხოლმე რუსეთის თემას, რომ ხალხმა ომის შიშით ოპოზიციას მხარი არ დაუჭიროს, რა დროს მიშა გადადექია, რუსეთი გვიპყრობსო.
თუმცა მეორეს მხრივ, სააკაშვილი არ უნდა რუსეთს და ეჭვი მაქვს, ბურჯანაძეა მათი კანდიდატურა.
58-ე ბრიგადის მზადყოფნა, პროვოკაციები კონფლიქტურ რეგიონებშჳ, სამხედრო გემების საქართველოსკენ წამოსვლა... შეიძება მთავრობა ამახვილებს ამაზე ყურადღებას, მიზეზი იხ. ზემოთ....
+ აფეთქება ცხინვალში შეიძლება საქ მთავრობამ გააკეთა, შეიძლება რუსეთმა, რომელიც მიზეზს ეძებს, რომ ტანკები თბილისისკენ დაძრას.
ასეა თუ ისე, პროვოკაციები ალბათ გაგრძელდება.
თუ ბევრი ხალხი მიემხრო ოპოზიციას, რისიც მე ნაკლებად მჯერა, შანსი საკმაოდ დიდია, რომ აქვე მყოფი მოძმე რუსები მიეხმარონ მათ ტანკებით და სამხედრო ტექნიკით...
უფრო და უფრო მეშლება ოპოზიციაზე ნერვები...
ხო.. მიშაზეც მეშლება ნერვები...
შეიძლება ცხინვალშჳ ბოლომდე იმიტომ არ მიაწვა, რომ აწყობს ”კონფლიქტური რეგიონები”: ქონდეს ქვეყანაშჳ, რომლის თემას გააქტიურებს, როცა მის სკამს საფრთე დაემუქრება....

უბედურება ისაა, არც ერთი, არც ერთი ადამიანი არ ჩანს არც ერთ მხარეს, რომელიც სკამზე მაღლა საქართველოს დააყენებს. ოპოზიციაში ყველას, დაკარგული ძალაუფლების დაბრუნება უნდა... ძალაუფლება და სხვებზე უფროსობა, ტვინის დონეზე იწვევს ცვლილებას, რომელიც ნარკოტიკზე უფრო ძლიერია.. ყველამ საკუთარ თავშჳ ჩავიხედდოთ, როგორ გვიყვარს უფროსობა თუნდაც ოჯახში...

ეჰ.. რა...


პ.ს. მსოფლიოშჳ ყველგან ბიზნესიდან მოდიან პოლიტიკაში. ჩვენთან პირიქითაა, ფული თუგინდა პოლიტიკაშიუნდა წახვიდე და ფული თავისთავად მოდის. პარალელურ რეჟიმში ბიზნესსაც აიწყობ და წილში ჩაუჯდები ვისაც გინდა...

»»  read more

ვიზრდებით

როგორც იქნა სახლში ინტერნეტი გვეღირსა. მართალია მაგთიფიქსია, მაგრამ იმაზე უკეთესი აღმოჩნდა ვიდრე გვეგონა (ფასს არ ვგულისმობ, 15 ლარი ულიმიტო) .

ესე იგი 2-ში, ჩემი პოსტის მერე ”ისევ ორი ვარ” წავედით ჩემ დასთან. პატარა სუფრა იყო სადაც ჩემმა სიძე თავის დაწურული საფერავი სპეციალურად ჩემთვის გამოიღო. მეც ვწრუპავდი ნელა ნელა, სუფთა გემოგლობინის მაბავში თორემ საფერავის სხვა ეფექტის აღარც მჯეროდა. ასე ვწრუპე 1 ჭიქა. მერე წამოვედით სახლში. რაღაც უცნაურად ვიყავი, დავწექი და ზუსტად 5 წუთში ვიგრძენი რომ წყლები დავღვარე (სულ მაინტერესებდა ეს როგორ ხდებოდა). ხოდა ნელა ნელა წავედით სამშობიაროში. ექიმმა რომ გამსინჯა შუადღემდე არ იმშობიარებო და გავუშვი ყველა სახლში. დავწექი დავიძინებ თქო... დავწექი თუ არა დაიწყო მოკლე ინტერვალები და დილით 8-ის ნახევარზე გავაჩინე ბახუცა :)

ინტელექტის კოეფიციენტი საკმაოდ მაღალი აქვს: პირველივე დღეს რომ დავაწვინე გვერდზე ძუძუს მისაცემად, მიხვდა რომ უნდა ეჭამა და ტუჩები მოამზადა. მაგას დღემდე აკეთებს და ძლაინ ვხალისობ. რაღაცნაირად, კვატივით გამობზიკავს ტუჩებს ხოლმე :)

აფერისტობაც გვაქვს გენებიდან გამომდინარე, ვდგავართ და ვღნავივართ საწოლში და თან თვალებს ვაცეცებთ აქეთ-იქით - იქნებ ვინმემ აიყვანოს. ნუ... მაგ ნომერი არ გასდის არავისთან.

1 კვირის წინ ხელები აღმოაჩინა. საწოლზე საჩხრიალოებს ვუკიდებ და ხელით წვდება, თავიდან ვერ აკონტროლებდა ხელებს, ეხლა დაამუღამა და მთელი დღე ჩხარუნი ისმის სახლში. თვითონაც უხარია, როცა მიწვდება სათამაშოს და ჭკუაზე არაა.

”აღუებს” ჯერ კიდევ ვიძახით. კარონი ნომერი აქვს: რომ დააცემინებს, მერე ეგრევე აღუს აყოლებს ხოლმე... დაახლოებით ასე: პცხი-აღუ. ძალიან სასაცილოა.

გარშემომყოფებისგან მე გამომანსხვავა ბოლო 2 კვირაა. განსაკუთრებული დამოკიდებულება აქვს ჩემს მიმართ.

ძალიან სასაცილოაა მანქანაში გვერდით მიზის ხოლმე კალათით, ხოდა თავი აქვს შემობრუნებული ჩემ მხარეს და თვალს არ მაშორებს. ვხალისობ ხოლმე :)

სიგრძეში 62 სმ-ა და წონა - 6კგ. საკმაოდ კარგი მატება აქვს, თუმცა არც ისე გოჭი არაა. ტაკოები აქვს ძლაინ სასაცილო და გასუქუნებული :)

ეხლა დავხედე და იმდენი იქნია ფეხები რომ ნასკები და შარვლის ცალი ტოტი გაიხადა.

ძალიან მაგარი ტიპია საბოლოო ჯამში, ძალიან მომწონს :)

ესეც ჩვენ სამის სურათი, ეფექტი იმიტომ აქვს რომ ორიგინალი არც ისე კარგი ხარისხი იყო :)

»»  read more

ekato

»»  read more

უცნაური კანონები :)

ტეხასის შტატში აკრძალულია ფეხზე დამდგარი მიყოლებით სამი ყლუპი ლუდის დალევა; აკრძალულია სასტუმროს მეორე სართულიდან კამეჩებისათვის სროლის დაწყება; აქვე საკმარისია ქალი სამჯერ წარუდგინოთ მეგობრებს, როგორც ცოლი და იგი ავტომატიურად ითვლება თქვენს ოფიციალურ მეუღლედ; ფეხსაცმლის გარეშე სიარულისათვის დაგსჯიან თუ არ გაგაჩნიათ ამისათვის სპეციალური ნებართვა, რომელშიც 5$ გადაიხადოთ. ესენი საკმარისად ძველი კანონებია. სულ ახლახან კი გუბერნატორ ჯ. ბუშის (ა.შ.შ.-ს ახლანდელი პრეზიდენტი) ზეგავლენით ტეხასში მიიღეს კანონი, რომლის შესაბამისად დამნაშავე ვალდებულია მსხვერპლს წერილობით ან სხვა ფორმით შეტყობინოს მოსალოდნელი დანაშაული მის ჩადენამდე 24 საათით ადრე. ამ წესის დარღვევას სასამართლო განიხილავს დამამძიმებელ გარემოებად. ამ შტატების ცალკეულ ქალაქებში ასევე განსხვავებული აკრძალვები მოქმედებს: ჰიუსტონში აკრძალულია ლუდით ვაჭრობა კვირა შუაღამის შემდეგ (თუმცა ორშაბათიდან ისევ დაშვებულია ნებისმიერ დროს); პორტ-არტურში ისჯება ლიფტში ჰაერის გაფუჭება.

ფლორიდაში გაუთხოვარ ქალებს ეკრძალებათ კვირაობით პარაშუტით ხტომა. მკაცრად იკრძალება ფლორიდაში საცურაო კოსტუმში გამოწყობილი სიმღერა; სკეიდით სეირნობა სანომრე ნიშნების გარეშე; შხაპის მიღება გაშიშვლებულ მდგომარეობაში. ასევე აკრძალულია დღეში სამზე მეტი თეფშის გატეხვა. ქალაქ პენსაკოლაში ქალმა, რომელიც დაიღუპა აბაზანაში ელექტრომოწყობილობების გაუფრთხილებლად გამოყენების გამო, უნდა გადაიხადოს ჯარიმა 100$.

მაიამში აკრძალულია ველოსიპედით სიარული ხმოვანი სიგნალების გარეშე, თუმცა იმავე კანონით ველოსიპედისტებს ხმოვანი სიგნალის გამოყენება ეკრძალებათ.

არკანზასის შტატში არჩევნების დღეს და ხმების დათვლის დროს ვინც არ უნდა იყოს და რა საბაბიც არ უნდა ჰქონდეს, ეკრძალება საარჩევნო უბნის კარებთან და ფანჯრებთან 15 მეტრზე ახლოს მისვლა, რაც ყოველ ამომრჩეველს ხდის დამნაშავედ. აქვე, მძღოლებს 21.00 საათის შემდეგ ეკრძალებათ ხმოვანი სიგნალების გამოყენება ისეთ ადგილებში, სადაც იყიდება გამაგრილებელი სასმელები.

ჩიკაგოში სისხლის სამართლის დანაშაულად ითვლება საჭმლის ჭამა სახლში, რომელიც იწვის. ქ. ევანსტონში (ილინიოსის შტატი) ხანძარი არის ერთადერთი შემთხვევა, რომლის დროსაც დასაშვებია ავტომობილში ტანსაცმლის გამოცვლა, სხვა შემთხვეაში ეს იკრძალება.

ფორტ-მედისონში (აიოვას შტატი) მეხანძრეებმა 15 წუთი უნდა გაივარჯიშონ ხანძრის ჩასაქრობად წასვლამდე. სენტ-ლუისში მეხანძრეებს ეკრძალებათ გაშიშვლებული ან ღამის პერანგში გამოწყობილი ქალების დახმარება.

კენტუკის შტატში ქალს ეკრძალება საცურაო კოსტიუმით გამოსვლა გზაზე, თუ კი მას არ მოაცილებს ორი პოლიციელი ან ხელში არ უჭირავს ნიჩაბი. გამონაკლისია 40 კგ-ზე ნაკლები და 90 კგ-ზე მეტი წონის ქალები.

ქ. კარმელში (ნიუ-იორკის შტატი) ნებისმიერი მამაკაცი, რომელიც გამოწყობილია სხვადასხვა ფერის შარვალსა და პიჯაკში, ჯარიმდება 500$-ით. ნებრასკაში დალაქებს ეკრძალებათ ნიორის ან ხახვის ჭამა დილის 7 საათიდან საღამოს 7 საათამდე, ხოლო ნიუ-ჯერსიში დააპატიმრებენ მას, ვინც რესტორანში პირს ააწკლაპუნებს. კალიფორნიაში ცხოველებს ეკრძალებათ სქესობრივი აქტის დამყარება სკოლებთან, ეკლესიებთან და საზოგადოებრივი თავშეყრის ადგილებთან 500 მეტრზე უფრო ახლო მდებარე ადგილებში. აქვე აკრძალულია მძღოლის გარეშე მოძრავი ავტომობილის სიჩქარემ გადააჭარბოს 60 მილს საათში.

კალიფორნიაში აკრძალულია კოვბოის ჩექმების ტარება იმ პირების მიერ, რომელთაც არ ჰყავთ 2 ძროხა მაინც.

ინდიანაში აკრძლულია: აბაზანის მიღება ოქტომბრის თვიდან მარტის თვემდე; მანქანების გაყიდვა კვირაობით; ფრინველებისა და კურდღლების შეღებვა; რძის გაყიდვა ღვინის მაღაზიაში. აქვე სასამართლოს გადაგცემენ გაუპატიურების ბრალდებით, თუ მანქანაში წინდების გარეშე გიზის მგზავრი, რომელსაც არ შესრულებია 17 წელი.

1984 წლიდან ინდიანას ქალაქ სპეიდსში მოქმედებს კანონი, რომელიც კრძალავს კონსერვის ქილების გახსნას ცეცხლსასროლი იარაღის გამოყენებით. ამ კანონის დარღვევისათვის სასჯელი ითვალისწინებს თავისუფლების აღკვეთას 3 თვით. ინდიანაში მოქმედი კანონის მიხედვით რიცხვი პ ტოლია არა 3,1415-ის , არამედ 4-ის.

დენვერში აკრძალულია მეზობლისაგან მტვერსასრუტის თხოვება.

ალაბამაში, ჯასპერის ოლქში, ქმრებს უფლება აქვთ სცემონ თავიანთ ცოლებს ჯოხით, თუ ჯოხის დიამეტრი ცერის დიამეტრს არ აღემატება. ლოს-ანჯელესში კი ქმარს უფლება აქვს სცემოს ცოლს ქამრით, რომლის სიგანე 12 სმ-ზე მეტი არ არის (წინააღმდეგ შემთხვევაში აუცილებელია ცოლის თანხმობა). არკანზასში სულ ერთია რითი სცემს ქმარი ცოლს, თუკი ეს არაუმეტეს თვეში ერთხელ ხდება.

ტენესში ნებადართულია ყველაფრის საკვებად გამოყენება, რასაც მოქალაქე მანქანით გაიტანს. თუ სიცოცხლეს გამოასალმებ ადამიანს, მაშინ სრული უფლება გაქვთ და ვალდებულიც ხარ “მზის ჩასვლამდე” საკვებად გამოიყენოთ იგი.

დასავლეთ ვირჯინიაში მამაკაცებს ერთერთი სასამართლოს გადაწყვეტილებით უფლება აქვთ იცხოვრონ ნებისმიერ ცხოველთან, რომლის წონა 18 კგ-ს არ აღემატება. სანფრანცისკოში ცხენის პატრონს უფლება აქვს გზაჯვარედინზე დატოვოს ნაკელის გროვა, ოღონდ მისი სიმაღლე 2 მ-ს არ უნდა აჭარბებდეს. ალაბამაში, არიზონასა და ჯორჯიაში უმკაცრესად იკრძალება სააბაზანოში ვირის ყოლა, არკანზასში კი ნიანგისა. არკანზასის კონგრესი მდინარე ანკარზასის წყალს უკრძალავს მეინ-სტრიტის ხიდზე მაღლა ადიდებას.

პენსილვანიაში სახლი, რომელშიც 16 ქალი ცხოვრობს, საროსკიპოდ ითვლება, ტენესიში ასეთივედაა მიჩნეული სახლი, რომელშიც 6 ქალი ცხოვრობს. მამაკაცების ზღვრული რაოდენობა კი 120-ია.

ლუიზიანაში მკაცრად ისჯება ადამიანის კბენა, ამისათვის პროთეზის გამოყენება ამძიმებს გარემოებას. ალაბამაში აკრძალულია მანქანის თვალებახვეული მართვა, ნიუ-იორკში სჯიან მას, ვინც სახურავიდან გადმოხტება. მინესოტაში პატიმრობა ელის იმას, ვინც საკუთარ სახლშიც კი შიშველი დაიძინებს. აიდაჰოს შტატში აკრძალულია კარუსელზე ქანაობა კვირადღეს, აქვე აკრძალულია აქლემზე დამჯდარი თევზაობა. ილინიოსის შტატშის ქალაქ გეილსბურგში 1000$-ით აჯარიმებენ მას, ვინც ბეისბოლის ჯოხით თაგვს სცემს. მიჩიგანში ქარის წინააღმდეგ ფურთხება საზოგადოებრივ დანაშაულად ითვლება. კოლორადოს შტატის ქალაქ დენვერში არ შეიძლება ავტომობილის ტარება კვირაობით, არიზონაში კი ქ. გლენდეილში აკრძალულია ავტომობილის უკან სვლა. ამავე შტატში, ქ. ტაკსონში ქალებს ეკრძალებათ შარვლის ტარება. ვისკონსიის ქ. რეისინში აკრძალულია მძინარე მეხანძრის გაღვიძება, ხოლო ვაიომინგის შტატში კი კურდღლებისათვის სურათის გადაღება. ტენესში, ქ. მემფისში ბაყაყებს ეკრძალებათ ყიყინი ღამის 11 საათის შემდეგ. ალიასკაზე აკრძალულია დათვებისათვის ფოტოსურათის გადაღება, ნევადაში კი გზატკეცილზე აქლემით სეირნობა. ილინიოსის შტატის ქ. იურკაში ულვაშიან მამაკაცებს ეკრძალებათ ქალის კოცნა, ალაბამაში კი სიკვდილით სჯიან მას, ვინც რკინიგზის რელსებს მარილს მოაყრის.

სამხრეთ დაკოტაში დანაშაულად ითვლება ჩექმებით დაძინება; კალიფორნიაში აკრძალულია აუზში ველოსიპედით შესვლა; ქალაქ ბალტიმორში (მერილენდის შტატი) 500$-ით დაჯარიმდება ის, ვინც თეატრში ლომთან ერთად მივა; ატლანტაში აკრძალულია ჟირაფის მიბმა ტელეგრაფის ბოძზე; სენტ-ლუისში აკრძალულია ხიდზე ჯდომა და ლუდის სმა. ნიუ-ჯერსის შტატში კატებმა უნდა ატარონ ზარები, რათა ჩიტებმა გაიგონ მათი მოახლოება, ოკლაჰომაში კი სამზე მეტ ძაღლს ეკრძალება ერთად შეკრება, თუ მათ არა აქვთ ამისათვის სპეციალური ნებართვა ქალაქის მერისაგან.
(c)forum.ge :)

»»  read more