მე

ჩემი ცხოვრება სიტყვებით... ხანდახან სურათებითაც :)

Friday, November 7, 2008

ჭიტააა

ხომ ვამბობდი დროებითია თქო...
პრინციპში კარგად ვარ. ნუუუ, ჯერ ბოლომდე კარგად არა, მაგრამ უკეთ ვარ. აღარ ვიღრინები...

გუშინწინ ბუჩას ლამის ნეკა თითი მოვაჭერი, მეთქი შენი ზოლინგერის დანით ნეკას მოგაჭრი თქო, ხოდა კაიო და დადო ხელი მაგიდაზე, მე კდიევ ავიღე და დავიწყე გაჭრა, არ მაქვს ტორუმზები აშკარად. ჩემმა მეჯვარემ თქვა, ჯერ არ იცის ეტყობა რომ შენთან მასეთი ხუმრობა არ შეიძლებაო. ხო პლუს, ვიღაცამ მითხრა, ორსულობაში ჩადენილი დანაშაული ისე ითვლება, თიტქოს შეურაცხადი იყო ადამიანი და ისე ჩაიდინაო. ხოდა ოპააა... ეხლა ვფიქრობ ვინ არ მევასება რომ რამე ვუჩალიჩო თქო, ჯერ ვერ გავიხსენე ვერავინ.

ოპოზიციის მიტინგის მოლოდინშია მთელი ქალაქი, ძალიან ვიხალისე. ნანუკასთან კლასში 10 ბავშვი იყო მარტო 22-დან. სხვა სკოლებშიც მგონი არაა უკეთესი მდგომარეობა, ვერ ვიტან პანიკას აყოლილ ხალხს. გუშინ ჩემ დასთან ვიყავი და დამლაგებელი იძახდა, უი როგორ მეშინია ხვალინდელი დღისო. მთავრობის კი არა, რუსებმა რომ არ დაგვარტყასო, ჯარი დგას თბილისთან ახლოსო.

შარშანაც სამსახურში ვიყავი გაზი რომ გაუშვეს და დაარბიეს მიტინგი, აივანზე ვერ გავდიოდით. 50 მეტრშია ჩემგან მთავრობის სასახლე. მიტინგს ონლან რეჟიმში ვუსმენდი ფაქტიურად.

მაგარი აბდაუბდა სიზმარი დამესიზმრა. ვითომ სამაჩაბლოში ვიყავი ბილიკზე დავრბოდი, და გზაზე გვამი გავჩითე, ცოტა გახრწნილი, 4 აგვისტოს გარდაიცვალა როგორც მერე გავარკვიე, ფურცელი ქონდა სადაც ეწერა რომ ამერიკელი ტურისტი იყო. მეთქი ნახეთ ესე იგი მანამდეც ისროდნენ რუსები თქო, ხოდა ვითომ ეხლაც იყო სროლები (ეს სულ იმ დამლაგებლის ბრალია, ჩემ დასთან რომ ვნახე.

მერე დამესიზმრა ვითომ ვიმშობიარე უკვე და გავაჩინე ”ღოღო” (როგორც ბუჩა ეძახის), 60 სმ. და 3 კილო და 60. (ეს 60 რატომ ვერ ვხვდები). ხოდა ვიძახდი, კიდევ კარგი ეხლა გავაჩინე, თორემ 9 თვიანი რომ გამეჩინა, რამხელა იქნებოდა თქო. ხოდა მაგარი საყვარელი და წყნარი ბაწუკა იყო.

გავედი მოკლედ. დღეს უფროსი არ არის და მალე წავალ. ჯერ ეკლესიაში, მერე ნანუკას გავუვლი და მერე სახლში ავალ.
გუშინ ბუჩამ სამზარეულოში წყალი დამიმონტაჟა და ჭკუაზე არ ვარ :)

ქისსიზ ენდ ჰაგზ :)
»»  read more

Wednesday, November 5, 2008

................

როგორ მინდა ვიწუწუნო, მაგრამ მიტყდება ...

საწუწუნო იმდენიააა:
ფული, სიცივე, მუცლის ტკივილი, წელის ტკივილი, უძილობა, საჭმლის კეთება, დაღლილობა...

ყველაფერზე მინდა ვიწუწუნო... მაგრამ მიტყდება.
ყველას გონია რომ მაგარი ამტანი ვარ და არ უნდა ვწუწუნებდე. ყველა მიეჩვია რომ ხატია მაგარია. უსინდისო ვიყო თუ ვიყო მაგარი.
დავიღალე რააა...

წავალ სადმე, 2-3 დღე გადავიკარგები. არც არავის ვეტყვი სად ვარ... იქნებ ცოტა მოვიდე ხასიათზე.
საშინელი მყრალი გავხდი... :(

ხო, დღეს დილით ”სასწრაფოს” სერიას ვუყურებდი, სადაც ორსული მოიყვანეს, ეკლამფსიის შეტევით (აი აქ წაიკითხეთ დაახლოებით რა არის ეკლამპსია). მერე ქალმა თავი გაიგიჟა ფიზიოლოგიურად უნდა ვიმშობიაროო, ვცდიო და შუა მშობიარობაში ბავშვის მხარი გაიჭედა, ვერ გამოდიოდა, შეაბრუნეს უკან ბავშვი და საკეისრო დაიწყეს.
მერე ისევ გაურთულდა იმ ქალს რაღაცა და გარდაიცვალა. რა მაგარ ხასიათზე დავდგებოდი დილიდან მაგის ყურებით, ხომ წარმოგიდგენია.

საიტზე წერია რომ დაღლილობაც და ხასიათის ცვალებადობაც ორსულობის ბრალიაო. რა ვიც.. რა ვიც....
»»  read more

Friday, October 31, 2008

როცა მუშაობა მეზარება

რატომღაც სულ პარასკევს ემთხვევა, რომ მუშაობის ხალისი მაინცდამაინც დიდი არ მაქვს.

ხოდა ფორუმის გარდა, ხანდახან ვცდილობ რაღაცეები ვითამაშო. დღეს ეს თამაში ამოვიჩემე და აქედან გავედი კიდევ რაღაც 2-წუთიან თამაშების საიტზე თუ რაღაც ამადაგვარი.

გავედი. ისევ რაღაცეების კეთება მიწევს, მეზარება :(
»»  read more

Tuesday, October 28, 2008

ორსულებისთვის

დღეს ექოზე ვიყავი. 29 კვირის ვარ, ბაო ცოტა დიდია, პრინციპში არც მიკვირს :)

მერე ინტერნეტში ვიქექე და საინტერესო დიაგრამები აღმოვაჩინე. სათითაოდ ჩავაგდებ.
ეს არის სავარაუდოდ ბავშვის ზომა წონა კვირების მიხედვით:
http://www.babycenter.com/average-fetal-length-weight-chart
და კიდევ ძალიან კარგი საიტია:
www.paternityangel.com იქ არის განყოფილება, Week by Week Diary of Your Baby's Development.

რაც შეეხება მითიურ BPD, AC, FL.
BPD - თავის ბიპარიეტალური ზომას ნიშნავს და ამის დიაგრამა დაახლოებით ასე გამოიყურება:
AC- მუცლის გარშემოწერილობა და იხ. დიაგრამა2 :
FL- ბარძაყის ძვლის სიგრძეა და შესაბამისად იხ. ქვემოთ:
ამ სამი პარამეტრის მიხედვით კი ბავშვის წონის გამოსათვლელი ერთერთი პოპულარული ფორმულა ასე გამოიყურება:
Birthweight (in grams) = 1.4x BPD x FL x AC (all in cm) - 200.

საერთოდ კი, ყველა ბავშვი ინდივიდუალურად ვითარდება და ცოტა გადხვევ-გადმოხვევა ამ ცხრილებიდან და ფორმულიდანაც აუცილებლად იქნება.
ეს უბრალოდ გასართობად დავდე, ვისაც ჩემსავით გიყვართ კირკიტი :)
»»  read more

ჩემი მიგნებები

- ადამიანებს როცა აჩვენებ რომ ენდობი და მათზე კარგად ფიქრობ, მაქსიმალურად ცდილობენ შენი ეს დამოკიდებულება გაამართლონ. (საუბარი არაა უმცირესობაზე, რომელსაც პრინციპში ემჩნევა კიდეც რომ პრობლემა აქვს)
- ის, რაც გასაკეთებელია, იმ წუთას უნდა გააკეთო (ეს ამის წაკითხვის მერე გადავწყვიტე დამეწერა)
- ყველა შენი მეგობარი ვერ იქნება, მაგრამ გადამტერებასაც ნუ იჩქარებ :)
- ყველაფერს თავისი დრო აქვს!!! ეს განსაკუთრებით ძვირფას აღმოჩენად მიმაჩნია. სულ ვცდილობდი რომ დამეჩქარებინა რაღაცეები. რაც მოსასვლელია, ყველაფერი მოვა და აუცილებლად მაშინ, როცა ამისთვის მზად იქნები. არადა სულ გვეჩქარება, ვერ ვითმენთ, გვინდა ეხლა და ამ წამს.... ფიჰ რააა
- საკუთარ თავზე სულ ცოტა ძალდატანებაა საჭირო რომ გააკეთო ის, რაც ”საჭიროა” და არა მარტო ის, რაც ”გინდა”. საბოლოო ჯამში აღმოჩნდენა რომ რაც საჭირო იყო, ის უფრო სწორი იყო ვიდრე ის, რაც გინდოდა.
- ყველაზე ძნელია მარტივად იცხოვრო.
- ოცნება არ ღირს, ფიზიკურად აქ ხარ, გონებით სხვაგან. ჯობია სადაც ფიზიკურად ხარ, გონებითაც იქ იყო, უფრო პროდუქტიული იქნები.
- ჯობია ადამიანს მოუსმინო, ვიდრე ესაუბრო შენზე.
- ჯობია ჯერ ”არა” თქვა, ”კი”-ს თქმას ყოველთვის მოასწრებ (ეს ნანუკასგან ვისწავლე, 3 წლის რომ იყო)

ეს რაც გამახსენდა, თუ რამეა, მერე კიდვე დავამატებ...

არადა ბავშვობაში რომ მესწავლა თავის დროზე ეს ყველაფერი, ხომ იქნებოდა გაცილებით კარგი?
»»  read more
Related Posts with Thumbnails