ჭაობი

ჭაობის განმარტება ვერ ვიპოვე ნეტში.

ისე ჩემი ნება რომ იყოს, ასე განვმარტავდი "წყლის პირას, ტენიანი, დამყაყებული სველი მიწა, რბილი და მეტად საშიში ჩასაფლობად". ვინმე უკეთესად იზავს ამ ამბავს :)

საყოფაცხოვრებო ჭაობის განმარტება ალბათ ასე იჟღერებს: "ყოველდღიურ საქმიანობაში ჩაფლული ოჯახის წევრები, რომლებსაც დაქვეითებული აქვთ უნარი, შეამჩნიონ ოჯახის წევრების ინდივიდუალურობა და გამოარჩიონ ისინი ოჯახის საერთო სურათიდან". ჭაობი იმიტომ, რომ ისევე გითრევს და ნელა ნელა გართმევს სიცოცხლეს.

უცნაურ მდგომარეობაში ვარ. როცა შეყვარებული ვიყავი, ეს "ყოველდღიურობის" მომენტი არ დგებოდა. ვიყავი შეყვარებული და ყოველი წუთი გაჟღენთილი იყო იმ ადამიანით. იმ შეგრძნებით, რომ მიყვარს. ნანუკას მამასთანაც კი არ მქონია მობეზრება, იმიტომ რომ ხანგრძლივი დროის განმავლობაში არ გვიძინია-გაგვიღვიძია ერთად. ეს ჭაობიც მაგას მოაქვს, მათ შორის მაგასაც - ერთად ძილს.

ეხლა კიდევ მავიწყდება რომ მიყვარს. არ მახსენდება. იმაზე ვფიქრობ ჭურჭელი როდის გავრეცხო, სახლი დღეს დავალაგო თუ ხვალ, კომუნალურები რამდენი მოვა გადასახადი, და ასეთი უამრავი წვრილმანი, რაც იმაში მიშლის ხელს რომ ეს დრო საყვარელ ადამიანზე ფიქრში დავკარგო. კი, საჭმელს რომ ვუმზადებ, ვცდილობ ამით გამოვხატო რომ ვზრუნავ და მიყვარს. როცა გაბრაზებული ვარ, არ ვუმზადებ საჭმელს მაგრამ ვერ ხვდება. გონია დაღლილი ვარ და იმიტომ. არადა ვერ წარმომიდგენია, როგორ უნდა ვიყო ისეთი დაღლილი რომ საჭმლის გაცხელება და თეფშის გამოტანა ვერ შევძლო.

ამას წინათ ღამე გამეღვიძა. 3 საათი ვერ დავიძინე. ვუყურებდი და ვფიქრობდი როგორ მიყვარს. როგორ მომწონს. როგორი ძვირფასია. როგორი ჩემია. შიშით ვერც კი ჩავეხუტე, არ გავაღვიძო-თქო.

დილით ისევ ის რუტინა დაიწყო, გადარბენები, ბავშვის მომზადება, საჭმელი, ჭურჭელი, ჩაცმა, სამსახურში გაქცევა.

ცოტა სიუხეშეც შემოვიდა ურთიერთობაში. ეს იმედია დროებითია და გაივლის სულ მალე.

შენ კიდევ ამბობ ფული არ არის მთავარიო, ხანდახან ამბობს. მიჭირს დავეთანხმო, მაგრამ როცა ხელფასი ახალი აღებული გვაქვს. გაცილებით უკეთ ვგრძნობ თავს. ალბათ იმიტომ რომ არ მაშინებს კომუნალური რამდენი მოვა. საჭმელზე რამდენი დაგვეხარჯება. ტანსაცმელი რა ვიყიდო ამ თვეში და ვისთვის. თუმცა რაღაც სხვაც გვაქვს, რაც მაშინაც კი გვაბედნიერებს ხოლმე, როცა ფული არ გვაქვს. ის, რომ მთავარია ერთად ვიყოთ კარგათ და დანარჩენი ყველაფერი მეორეხარისხოვანია.

მთავარია ხშირად გავიხსენოთ როგორი ძვირფასები ვართ ერთმანეთისთვის, როგორ გვიყვარს და მოგვწონს ერთმანეთი.

პ.ს. ამას წინათ ეკატერინეს ეფერებოდა, კოცნიდა, მერე მე დავდექი ახლოს და მეგონა მეც მომეფერებოდა და მაკოცებდა. მუცელს მოეფერა, აკოცა და ერთი ორი სიტყვა უთხრა :D

ნანუკაც ხშირად მიმეორებს ხოლმე, თავს მიხედე ბავშვი კარგად იყოსო.

პატივისცემით თქვენი "ინკუბატორი" :D

»»  read more

ახალი ტელეფონი

ბუჩამ ახალი მობილური მიყიდა გუშინ. :)

ამოუვიდა ყელში ეტყობა, მე რომ ვერ მირეკავდა და დაივერთი ირთვებოდა ისევ თავის ნომერზე.

ძალიან გამეხარდა.

თვითონ ფაქტი, რომ გამახარა და ჩემზე იზრუნა.

ტელეფონს ნელა ნელა ვითვისებ, Sony Ericsson Elm. ყველა ფუნქცია აქვს რაც კი ტელეფონში მომწონს, WI-Fi-დან დაწყებული, რადიო-ფანარით დამთავრებული. ერთადერთი ქართული ფონტები ვერ დავაყენე. იმედაი, მოვაგვარებ მაგ პრობლემასაც :)

დღეს კიდევ ერთი აღმოჩენა გააკეთა ბუჩამ - ძალიან ბედნიერი კაცი ვარო, მყავს ლამაზი ცოლიო, რომელიც არის ამავე დროს ჭკვიანიო, ეს უკვე იშვიათობააო, პლუს ცოტას ლაპარაკობს, ეს გამონაკლისი შემთხვევააო, და ბოლოს, კარგად ატარებს მანქანასო, ფაქტიურად უნიკუმი მყევხარო :D

ეკატერინეს ყურების ანთება აქვს. საერთოდ სუსტადაა, ხვალიდან ანტიბიოტიკს დავუწყებ.

აღდგომა მოდის.

ძველებური სიხარულით ვერა, მაგრამ მაინც სადღესასწაულო შეგრძნება მაქვს.

ყველას გილოცავთ :)

ქრისტე აღსდგა! :)

»»  read more

Queen - The miracle

დაახლოებით 16 წლის რომ ვიყავი, შეყვარებული მყავდა, (აი ამ პოსტში მიწერია) რომელიც Queen -ის ფანი იყო. მაგის ძმაკაცმა ჩამოუტანა ამერიკიდან ორიგინალი ალბომი (კასეტაზე) და მაშინ განსაკუთრებით მომეწონა რამოდენიმე კომპოზიცია. აი ეს კიდევ ჩემი ერთერთი საყვარელი სიმღერაა. დილით ბუჩა წავიყვანე სამსახურში თავისივე მანქანით და Queen -ის ნ აკრები გაუკეთებია, იმას ვუსმენდით. ეს სიმღერა რომ დაიწყო, მომენტალურად კარგ ხასიათზე დავდექი. ვმღეროდი მთელი გზა, ხოდა ეხლაც ვაგრძელებ ;)

The Miracle

Words and music by Queen

Every drop of rain that falls
In Sahara desert says it all - it's a miracle
All God's creations great and small
The Golden Gate and the Taj Mahal - that's a miracle
Test tube babies being born
Mothers, fathers dead and gone - it's a miracle

We're having a miracle on earth
Mother nature does it all for us
The wonders of this world go on
The hanging gardens of Babylon
Captain Cook and Cain and Abel
Jimi Hendrix to the tower of Babel
It's a miracle, it's a miracle, it's a miracle, it's a miracle

The one thing we're all waiting for
Is peace on earth - an end to war
It's a miracle we need - the miracle
The miracle we're all waiting for today

If every leaf on every tree could tell a story
That would be a miracle
If every child on every street had clothes to wear and food to eat
That's a miracle
If all God's people could be free, to live in perfect harmony
It's a miracle

We're having a miracle on earth
Mother nature does it all for us
(The wonders of this world go on)

Open hearts and surgery, Sunday mornings with a cup of tea
Super powers always fighting, but Mona Lisa just keeps on smiling
It's a miracle, it's a miracle, it's a miracle

(The wonders of this world go on)
Well it's a miracle, it's a miracle, it's a miracle, it's a miracle
The one thing (the one thing) we're all waiting for
Is peace on earth (peace on earth) and an end to war (end to war)
It's a miracle we need, the miracle, the miracle
Peace on earth and end to war today

That time will come, one day you'll see, when we can all be friends
That time will come, one day you'll see, when we can all be friends
That time will come, one day you'll see, when we can all be friends
That time will come, one day you'll see, when we can all be friends

»»  read more

დღეს

აი დღეს დილით, როცა ყაზბეგის ქუჩაზე ჩამომავალმა ტაქსის მძღოლმა მანიშნა უკანა საბურავზე, დაშვებულიაო, მივხვდი რომ მომბეზრდა. ვსო, ამოვიდა ყელში ეს მანქანა, ახალი მინდა. მერე მივხვდი რომ მარტო მანქანის შეცვლა კი არა, ძველი ხატია მინდა. აი მანქანა მომინდა - ვიყიდე, სამსახურს ვიცვლიდი და უკეთესში გადავდიოდი, რაღაც სიახლეები მქონდა. ხალისიანი ვიყავი.

ხოდა, დღეს მივხვდი, რომ ძველი ხატია მინდა. ხოდა დაბრუნდება. რაღაც სულ ტყუილად აკიდებული მორალური პასუხისმგებლობები და სინდისის ქეჯნები როცა სამსახურს ვიცვლიდი, ვაიმე როგორ მერიდება და როგორ ვუთხრა უფროსს... არადა ყველაფერი ცხოვრებაში უფრო მარტივია.

აი ეხლაც სახლში მოვედი და იმის მაგივრად რომ ეგრევე ჭურჭლის რეცხვა და საჭმლის კეთება დამეწყო, დავჯექი, ვჭამ, ფორუმს ვკითხულობ და თან ამ პოსტს ვწერ. საკუთარი თავისთვის გამოვნახე დრო (ურა), საღამოს თავსაც მივხედავ, გავლამაზდები.

მგონი ამ ორსულობის ბრალია. რაღაც მაგარი ზარმაცუნა მიზის შიგნით. :)

ეკატერინეზე ცეცხლს ვაფრქვევდი ლამის. ისე, ეხლაც მეუბნებიან რა შუსტრი ხარო, არადა ჩემ ქმარს ეს რომ მოასმენინო, გაუკვირდება. რა ვქნა სახლში, მაგი რომ მოდის, უკვე დაღლილი ვარ სამსახურის საქმეები, სახლის საქმეები... სამაგიეროდ დილით ვარ ძალიან ენერგიული :)

მოკლედ, სიახლეები მინდა და მექნება, თუ ღვთის ნება იქნა :)

»»  read more

ორსულების ლოცვა :)

ყოვლად ძლიერო უფალო, შემოქმედო ყოვლისა ხილულისა და უხილავისა! შეგივრდებით შენ, უსაყვარელსსა მამასა ჩვენსა არსებანი, გონებით დაჯილდოებულნი, რამეთუ შენ შეჰქმენ მოდგმა ჩვენი განსაკუთრებული განგებულებითა შენითა, გამოძერწე მიწისაგან გვამი ჩვენი გამოუთქმელითა სიბრძნითა შენითა და შთაჰბერე სული შენისაგან სულისა წმიდისა, რათა ვიყოთ ჩვენ ხატება შენი. და თუმცა, შენს ნებაში იყო ჩვენი მეყსეული შექმნა, მსგავსად ანგელოზებისა, მაგრამ სიბრძნემან შენმან ინება, რათა ქმრისა და ცოლისაგან, შენ მიერ დადგენილი ქორწინების წესით გამრავლდეს მოდგმა კაცთა; ინებე შენ კურთხევა ადამიანებისა, რათა აღორძინდნენ და გამრავლდნენ და აღავსებდნენ არა მხოლოდ ქვეყანასა, არამედ ანგელოზთა საუფლოსაც. ჰე, ღმერთო და მამაო, დაე, იდიდოს სახელი შენი უკუნითი უკუნისამდე ყოვლისათვის, რაიცა ჰქმენ ჩვენთვის!
მადლობას გწირავ აგრეთვე, მოწყალებისა შენისა, რომ მე არა მხოლოდ წარმოვდექი შენისა საოცარის ქმნილებისაგან და მივეკუთნები რჩეულთა კრებულს, არამედ იმისთვისაც, რომ ღირს მყავს შენისა კურთხევისა მეუღლეობაში და მომანიჭე ნაყოფი მუცლისა ჩემისა. ესე არს საჩუქარი შენი, ღმრთაებრივი წყალობა შენი, ჰე უფალო და მამაო სულისა და ხორცისა! ამისა გამო შენ ერთს მოგმართავ და გევედრები უმორჩილესად მოწყალებისა და შეწევნისათვის, რათა იგი, რომელსაც შენ ჩემში ჰქმნი ძალითა შენითა იყოს დაცული და იშვას უვნებლად. რამეთუ უწყი მე, ჰე უფალო, რომ ადამიანს არ ძალუძს და ხელეწიფება თავისა გზისა გამორჩევა; ჩვენ მეტად უძლურნი ვართ და მიდრეკილნი დაცემისაკენ, რომ უვნებელად განვვლოთ ყველა ის მახე, რომელსაც ბოროტი სული დაგვიგებს დაშვებითა შენითა და თავი დავაღწიოთ ყველა განსაცდელს, რომელშიც ჩვენი უზრუნველყოფით ვვარდებით, ხოლო სიბრძნე შენი უსაზღვრო არს და უკიდეგანო. ვისაც ინებებ, ანგელოზისა შენისა ხელითა უვნებელად დაიცავ ყოვლისაგან ბოროტისა.
ამიტომ მეცა, მოწყალეო მამაო, შეჭირვებისა ჩემისა ჟამსა თავსა ჩემსა გაბარებ და გევედრები, რათა მოწყალებისა თვალითა გადმომხედო და დამიფარო ყოვლისა სატანჯველისაგან. მოგვანიჭე მე და ჩემს ძვირფას მეუღლეს ლხენა, ღმერთო, მეუფეო ყოვლისა სიხარულისაო! რათა ჩვენ, შენისა წყალობისა შემხედვარენი, ნათელი გულითა თაყვანს გცემდეთ შენ და გმსახურებდეთ სიხარულითა სულითა აღვსილნი. მე არ ვითხოვ, რომ ამცდეს ის, რაც მთელს ჩვენს გვარს დააკისრე შენ, უბრძანე რა ტკივილით შობა ყრმათა. მაგრამ გევედრები უმორჩილესად, რომ შემეწიო, გადამატანინო ტანჯვა და მომანიჭო შვება. და თუ შეისმენ ამ ჩვენს ვედრებას და მოგვანიჭებ ყრმას, ჩვენ ყოველ ღონეს ვიხმართ, რომ იგი ისევ შენ მოგგვაროთ და შენ შემოგწიროთ, რათა შენ იყო მოწყალე ღმერთი და მამა ჩვენთვის და ჩვენისა შთამომავლობისათვის, და აღგითქვამთ ერთგულნი მსახურნი ვიყოთ შენი ჩვენისა ყრმასა ერთად. ისმინე, მოწყალეო ღმერთო, ლოცვა მდაბლისა მხევლისა შენისა, აღასრულე გულისა ჩვენისა ღაღადი, მაცხოვრისა ჩვენისა იესო ქრისტეს გულისთვის, რომელიც განკაცდა ჩვენთვის, აწ კი შენ თანა და სულისა წმიდისა თანა ჰგიებს და ხელმწიფებს სამარადისოდ. ამინ.

»»  read more