მე

ჩემი ცხოვრება სიტყვებით... ხანდახან სურათებითაც :)

Monday, April 19, 2010

იმიჯი ონლაინ ანუ როგორი ვარ მე?

ფორუმზე ერთი თემაა ”DESPERATES" მგონი ერთი წელია უკვე არსებობს.
ეს არის თემა, სადაც ძირითადად მეოჯახე ქალები ვპოსტავთ. გამონაკლისები არიან blblbl, რომელიც ჯერ არ გათხოვილა, მაგრამ, მაგ განყოფილების გადამკიდე ქრონიკული და ცრუ ორსულობა აქვს... და კიდევ რამოდენიმე უზერი, რომელიც ქმარს არის გაშორებული, ამჯერად თავში მხოლოდ coco chanel და NITSA მომდის.
ონლაინ იმიჯზე აქამდეც ხშირად მიფიქრია, რამდენად დიდი მნიშვნელობა აქვს ჩვენთვის.
როცა ონლაინში ”გავიჩითე”, უკარებას იმიჯი მოვირგე, დამრიგებულური ტონით. ამას შეენაცლა თუ პარალელურ რეჟიმში, მქონდა ”ლამაზის” იმიჯი.
ზემოთ აღნიშნულ თემაში ამ სმაილით დამახასიათეს , არადა მგონი არ ვარ მასეთი.
კიდევ ვიღაცას ვკითხე და რაღაც საყვარელის იმიჯი გაქვსო. არადა მე ხომ ვიცი რომ არ ვარ.
არც მასეთი იმიჯი მომწონს.
მერე დღეს ერთი პოსტი ვნახე. კოკოსთან ეს სასმელი დააკავშირეს:
არადა სინამდვილეში შეიძლება არ იყოს კოკო ასეთი, უფრო სწორედ, არ მგონია მასეთი. კიდევ tekla, რომელსაც ვიცნობ რეალში და არ არის ისეთი უხეში, როგორიც პოსტებით ჩანს.
არადა ამ ადამიანებთან ვკონტაქტობთ საკმაოდ ხშირად, ხანდახან მეგობარ-ნათესავებზეც უფრო ხშირად. მაგრამ ვკონტაქტობთ ჩვენ შექმნილ ”იმიჯებთან” რომელიც უზერების პოსტებიდან, სურათებიდან, ცოხვრებისეული სიტუაციებიდან გვიყალიბდება.
ანუ ეს ურთიერთობა გამოდის არა რეალური, არ არსებული? ანუ შეიძლება რეალში მე საერთოდ ვერ ვეკონტაქტო trendy-ს ( იგივე pipa), ძალინა განსხვავებულები ვართ (ასე მგონია) მაგრამ ონლაინ მის არც ერთ პოსტს არ ვტოვებ. აი ეხლაც, ჩემი წინასწარ შექმნილი ”იმიჯი” უფრო სწორედ თრენდის იმიჯი. ისევ და ისევ მისი ონლაინური ცხოვრებიდან, მგონია რომ ვერ ვიკონტაქტებთ, მაგრამ სინამდვილეში არავინ იცის რა მოხდება.
ძალიან შევწუხდი ამ ”არარეალობით”. ...
გამოდის ის, ვისაც ველაპარაკები, შეიძლება სულ არ არის ისეთი, როგორიც მგონია.

ხო, ძალიან მაღიზიანებს ონლაინ თავის დამკვიდრების ფენომენი (მაგალითად მოდერატორობა ფორუმ.გე-ზე, ონლაინ გაჩითული შეყვარებული ან ქმარი, და ა.შ.). თავის დროზე შეიძლება მეც მასე ვიყავი. მაგრამ არ მომწონს, როცა 10-11 წლით უმცროსი მეკაჩავება ონლაინ... თუმცა ამ ფენომენის დაკიდების კოეფიციენტი საკმაოდ მაღალია :)

ამიტომ მირჩევნია ვისთანაც ონლაინ მაქვს ურთიერთობა, ერთხელ მაინც ვნახო და გავიცნო.
იყო შემთხვევა, როცა დესპერატოები შევიკრიბეთ. იქ ბევრი სხვანაირად დავინახე. ზოგი უარყოფითად, ზოგი მეტად დადებითად. ჩემი ონლაინ კონტაქტი უკვე იმ შეხვედრიდან მიღებული შთაბეჭდილებებზეა დაყრდნობილი.

ანუ იმის თქმა მინდოდა, ონლაინ მე, მე ვარ თუ არა? არა :)
»»  read more

Monday, April 12, 2010

ეკატერინეს 2 ვიდეო

დილით :)



უყურებს მულტფილმს ”51 პლანეტა”

»»  read more

Thursday, April 1, 2010

”აპეჩატკა” (”აპეჩატკები”)

ყველაზე ხშირი ”აპეჩატკები”
Google:
- წწწ.გოოგლე.ცომ
- цццюпщщпдуюсщь

forum.ge
- ფორუმ.გე
- ащкгьюпу

www.yahoo.com
- წწწ.ყაჰოო.ცომ
- цццюнфрщщюсщь

mail.yahoo.com
- მაილ.ყაჰოო.ცომ
- ьфшдюнфрщщюсщь

www.jobs.ge
-ჯობს.გე
-წწწ.ჯობს.გე


facebook
ფაცებოოკ
цццюафсуищщлюсщь

:)
»»  read more

Wednesday, March 31, 2010

დილა

მაგრად მიყვარს დილა.
ხალხს ვაკვირდები...
დედებს, სახლიდან რომ არიან უცბად გამოსულები, ბავშვების ბაღში მისაყვანად....
გამყიდველები რომ იწყებენ ფუსფუსს და მოწესრიგებას...
ერთი მეყვავილეა შანიძის კუთხეში, იქვე ბაღის ქვედა შესასვლელში აწყობს ყვავილებს და ალაგებს ”დახლზე”....
სამსახურში ”დილის ყავა-ჩაის” პროცედურები :)

მანქანებში ვაკვირდები ხალხს.
არადა დილამდე მთელი ღამე იყო...
ზოგს როგორი ღამე ქონდა ზოგს როგორი...
შეიძლება ზოგს არც ეძინა ნორმალურად და სექსით იყო დაკავებული...
შეიძება ვიღაცას ბავშვი ყავდა ავად და ვერ დაიძინა...
შეიძლება ვიღაცას უბრალოდ არ ეძინებოდა ან ტელევიზორის ყურებაში გაათენა...
დილით ეს ყველაფერი ქრება
დილით როცა ყველა სადღაც მიდის და მიფუსფუსებს, გასული ღამის კვალი გამქრალია (ერთი შეხედვით მაინც, ასე ჩანს) და ყველა რაღაც საერთო ნიშნით ვერთიანდებით, ”მომუშავე პერსონალი” გამახსენდა ეხლა რატომღაც.

მიყვარს დილა. ადრე უფრო მიყვარდა. როცა ღამე არ მაღვიძებდა ეკატერინე. ეხლა ვცდილობ თითო წამი მოვიპარო ხოლმე.

გუშინ ღამე დავიგრუზე, მთელი დილა ვფიქრობ სამართლიანად თუ არა, ბუჩას ნინო უნდა მოეყვანა ჩვენთან დასარჩენად და 11-ზე გავიდა სახლიდან, 12-ისთვის დავურეკე და სად ხარ მეთქი, ვსეირნობთო მე და ნინო მანქანითო...
გავბრაზდი.... გამიტყდა...
1 საათი მე და ბუჩას მანქანით სეირნობა მარტო, ღამე, ისეთი ფუფუნებაა, რომელიც არ ვიცი ბოლოს როდის მქონდა და იმის გამო, რომ ძილი არ მოგვეკლო და არ მოეკლო ბუჩას, არასდროს გამიკეთებია ამ ბოლო პერიოდში...
მეტკინა გული...
არც მითქვამს რატომ ვარ ნაწყენი... თვითონ ასი წელი ვერ მიხვდება :(
»»  read more

Friday, March 5, 2010

ოჯახი - დემოტივატორი(?)



მეზარება....
გარშემო ბევრისთვის ვყოფილვარ მაგალითი, როგორ არ უნდა გაჩრედე ერთ ადგილზე, როგორ მუდმივად უნდა ცდილობდე განვითარდე, რაღაც ახალი აითვისო, იარო, იარო...
ეხლა?
სწავლაც მეზარება, ფეხს ვითრევ რომ დავჯდე ვიმეცადინო.
ჯობს.გე-საც ზრდილობის გულისთვის ვათვალიერებ, მაინცდმაინც არც სამსახურის შეცვლა მინდა, მიუხედავად იმისა, რომ უარს არ ვიტყოდი მეტ ხელფასზე. მიზეზი ისაა, რომ სახლი და სამსახური 500 მეტრითაა დაშორებული ერთმანეთისგან და მაგარი კომფორტია სამსახურთან ახლოს სახლი.
ხოდა რას ვამბობდი, რაც ოჯახი მაქვს, სიტუაციის შეცვლა აღარ მინდება.
ერთის მხრივ კარგია, ესე იგი ძალიან თბილად კომფორტულად ვგრძნობ თავს, მაგრამ მეორეს მხრივ, ვიცი რომ თუ წინ არ მიდიხარ, ნიშნავს, რომ უკან მიდიხარ.
თეორიულად ვიცი რაც მინდა, რაც უნდა ვქნა, მაგრამ პრაქტიკულად ვხვდები, რომ გულით არ მინდა.

ეს პოსტი ალბათ საკუთარი თავის შემოძახილი უფროა, ”ადე, რამე გააკეთე”-ს მსგავსი, ხოდა იმედია გამომივა.
13-14 ში რაღაც ტრენინგია და წავალ, მაინც ECMI გადაიხდის ფულს.
ხოდა იქნებ დავიწყო ბოლო-ბოლო ივნისის გამოცდისთვის მზადება, თორემ ასე თუ გავაგრძელე შანსი არაა, ვერ ჩავაბარებ.

ოთხშაბათს ჰეარჰაუსში ვიყავი, თმები შევიჭერი, დავივარცხნე, მანიკური გავიკეთე. ცოტა აქტიურად უნდა მივხედო ჩემ თავს, აშკარად ხასიათზეც კარგად მოქმედებს.
»»  read more
Related Posts with Thumbnails